«Письмо.бел» – гэта сэрвіс, які дапаможа заставацца на сувязі з Вашымі сваякамі і знаёмымі, якія воляю лёсу, апынуліся ў зняволенні.
Не сакрэт, што шмат у якіх выпадках, тое, за што ў Беларусі людзі атрымліваюць нежартоўныя тэрміны, у цывілізаваных краінах злачынствам не з’яўляецца ці абмяжоўваецца адміністрацыйным пакараннем.
Вельмі важна падтрымліваць сваіх знаёмых, якія апынуліся ў цяжкай жыццёвай сітуацыі і дапамагаць ім захаваць сацыяльныя сувязі. Гэта, як нішто іншае, будзе садзейнічаць іх наступнай інтэграцыі ў грамадства, а зараз – дапамагаць пераадольваць узніклыя цяжкасці.