Libereco – незалежная нямецка-швейцарская няўрадавая арганізацыя, якая займаецца абаронай правоў чалавека ў Беларусі і Украіне.
З моманту заснавання ў 2009 годзе яны абараняюць людзей, якія сутыкаюцца з пераследам праз сваю палітычную ці грамадзянскую пазіцыю. Libereco публікуе інфармацыю пра выпадкі парушэння правоў чалавека і падтрымлівае сілы свабоднай і незалежнай грамадзянскай супольнасці ў абедзвюх краінах. Libereco шчыльна і на роўных працуе з беларускімі і ўкраінскімі арганізацыямі.
Libereco інфармуе пра парушэнні правоў чалавека, падтрымлівае ахвяр вайны і гвалту і ўдзельнічае ў міжкультурнай адукацыі з сферы правоў чалавека. Разам з іншымі арганізацыямі і аднадумцамі яны выступаюць за павагу, абарону і прасоўванне правоў чалавека, не зважаючы на межы.